Fond birjası  - fond birjası fəaliyyəti üçün lisenziyaya malik olan, fəaliyyətinin müstəsna predmeti tənzimlənən bazarların təşkili və idarə edilməsi olan, səhmdar cəmiyyəti formasında yaradılan hüquqi şəxsdir. Fond birjası dövlət qiymətli kağızları bazarının, korporativ qiymətli kağızlar bazarının və törəmə maliyyə alətləri bazarının ticarətini təşkil edir.

Qiymətli kağızlar və törəmə maliyyə alətləri üzrə kütləvi ticarət yalnız qiymətli kağızların və törəmə maliyyə alətlərinin fond birjasının daxili qaydalarına əsasən kütləvi ticarətə qəbulundan sonra həyata keçirilir. Kütləvi ticarət qiymətli kağızlar və ya törəmə maliyyə alətlərinin qeyri-məhdud sayda alıcılara ilkin və ya təkrar təklifi nəticəsində bağlanan əqdlərdir. Kütləvi ticarətə qəbul olunmuş qiymətli kağızlar və törəmə maliyyə alətləri tənzimlənən bazarda yalnız investisiya şirkətlərinin vasitəçiliyi ilə alınıb-satılır.

Fond birjasının vəzifələri aşağıdakılardır:

• təşkil etdiyi ticarətin ədalətliliyinin və şəffaflığının təmin edilməsi;
• öz daxili qaydaları ilə üzvlərinin ticarətdə birbaşa və (və ya) məsafədən qoşulmaqla iştirakının təmin edilməsi;
• qiymətli kağızlarla və törəmə maliyyə alətləri ilə ticarətin təşkili və keçirilməsi;
• ticarət sistemlərinin istismarı və dəstəklənməsi;
• qiymətli kağızların kütləvi təklifinin və yerləşdirilməsinin təşkili;
• fond birjasında ticarətə qəbul edilən törəmə maliyyə alətlərinə, qiymətli kağızlara və onların emitentlərinə tələblərin müəyyən edilməsi;
• öz üzvlərinə fond birjasında ticarət aparmaq üçün ticarət sistemlərinə çıxış verilməsi;
• ticarət sistemində bağlanmış əqdlərin monitorinqinin aparılması;
• öz üzvlərinin fond birjasında fəaliyyəti ilə bağlı maliyyə vəziyyətinin monitorinqinin aparılması.

Hal-hazırda Azərbaycan Respublikası ərazisində yeganə fond birjası Bakı Fond Birjasıdır http://bfb.az/

Bakı Fond Birjası

Lisenziya nömrəsi	05
Lisenziya verilmə tarixi	21.07.2000
Hüquqi ünvan	AZ1095, Bakı ş., Nəsimi ray., Bülbül prospekti 19
Faktiki ünvan	AZ1141, Bakı şəhəri, Yasamal r-nu, Həsən Bəy Zərdabi küçəsi 2A (Şokolad Tower).
Əlaqə məlumatları	(+994 12) 498 98 20 www.bfb.az; info@bse.az
Müşahidə Şurasının sədri	Axundov Fərid Azər oğlu
Müşahidə Şurasının üzvləri	İbayev Seyfəddin Qəzənfər oğlu İslamov Fuad Rafiq oğlu Həsənov Tural Nurəddin oğlu Akıncı Hasan Barlas Ali
Audit Komitəsinin sədri	Qasımov Şaban Fəxrəddin oğlu
Audit Komitəsinin üzvləri	Məmmədova Səbinə Roman qızı Qaffarov Qoşqar İlqar oğlu
İdarə Heyətinin sədri	Xəlilov Ruslan Ələkbər oğlu
İdarə Heyətinin üzvləri	Qasımov Oqtay Vaqif oğlu Ramazanov Mehman Dibir oğlu