Detallı layihələndirmə və tikinti işləri üçün
TENDER ELANI

Tarix: 27 fevral 2020-ci il

1. Azərbaycan Respublikasının Mərkəzi Bankı Bakı şəhəri, Nizami rayonu, Heydər Əliyev Prospekti, 109 ünvanda yerləşən “Azərbaycan Respublikasının Mərkəzi Bankının yeni inzibati binası”nın detallı layihələndirmə işləri (o cümlədən, tikinti icazəsinin planlaşdırılması) və tikintisi (bundan sonra “Layihə” adlandırılacaq) üçün potensial şirkətləri təklif verməyə dəvət edir.

Təklif haqqında qısa məlumat:

- Təklifin adı: Azərbaycan Respublikası Mərkəzi Bankının yeni inzibati binası
- Müqavilə müddəti: qüvvəyə minmə (müqavilə) tarixindən etibarən təqribən 36 ay
- Tikinti xidmətlərinin xülasəsi
• Növ: yeni tikinti
• Layihə haqqında qısa məlumat:
- Tikinti sahəsi: 33 200 m2
- Ümumi mərtəbə sahəsi: 67 926 m2
- Binanın hündürlüyü: təqribən 160 m
- Xəzinə mərkəzi, texniki qurğular və avtodayanacaqdan ibarət zirzəmi mərtəbələri. Konfrans və təlim obyektləri, kitabxana, restoran, o cümlədən bayır landşaft ilə birlikdə, ofis sahələrindən ibarət bina.
- Tikinti müddəti: Layihələndirmə fazası daxil olmaqla, qüvvəyə minmə (müqavilə) tarixindən etibarən təqribən 36 ay
- Tikintinin yeri: Bakı şəhəri, Heydər Əliyev Prospekti, 109 saylı ünvan.

- Sifarişçi: Azərbaycan Respublikasının Mərkəzi Bankı.
- Təklifin növü: Təkliflər Sorğusu üsulu ilə satınalma müsabiqəsi.

Təkliflər Sorğusu prosedurunda iştirak etmək istəyən ərizəçilər müsabiqəyə buraxılış uyğunluğunu nümayiş etdirən aşağıdakı sənədləri 06 Mart 2020-ci il, saat 17:00-dək elektron poçt vasitəsilə təqdim etməlidirlər:

1. Təkliflər Sorğusunda iştirak etmək üçün ərizə (ərizə forması bu Tender Elanına 1 saylı Əlavə şəklində daxil edilir).
2. Məxfilik öhdəliyi (bu Tender Elanına 2 saylı Əlavə kimi daxil edilir).
3. Məxfilik öhdəliyini və iştirak haqqında ərizəni imzalayan şəxsin səlahiyyətini təsdiq edən, lazımi qaydada imzalanmış və möhürlənmiş, beynəlxalq iddiaçılar üçün həmçinin notariusda təsdiqlənmiş, apostil olunmuş və ya leqallaşdırılmış etibarnamə.
4. İddiaçının son il ərzində maliyyə vəziyyətini təsdiqləyən bank arayışı.

Tender sənədləri yalnız birgə müəssisə olmadan əsas podratçı kimi “açar təslimi” əsasında hündürlüyü 150 metrdən az olmayan qüllənin tikintisini tamamlamış ərizəçilərə/iddiaçılara təqdim olunacaqdır. Konsorsium və ya birgə müəssisənin bu Təkliflər Sorğusunda iştirakına yol verilmir.

Qeyd: əgər yuxarıda qeyd olunan sənədlər və həmin sənədlərdə əksini tapan məlumat ərizəçinin iştirak hüququnu müəyyən etmək üçün düzgün, uyğun və yetərli hesab olunarsa, həmin ərizəçilər Təkliflər Sorğusunun iştirakçıları hesab ediləcək və təkliflərini təqdim etmələri haqqında müraciətlə birlikdə Təkliflər Sorğusu sənədləri onlara təqdim olunacaq.

Yuxarıda qeyd olunan sənədlər ərizəçilərin/iddiaçıların ixtisasını müəyyən edən sənədlərdən və ya məlumatdan ibarət sənədlər hesab olunmamalı və yalnız ərizəçilərin/iddiaçıların Təkliflər Sorğusunda iştirak etmək üçün uyğunluğunu müəyyən etmək üçün iştirak haqqında sənədlər olaraq qəbul olunmalıdır. Ərizəçilərin/iddiaçıların ixtisasına dair məlumat aşağıda verilir.

İddiaçıların ixtisasına dair tələblər:

Təkliflər Sorğusu sənədlərinin potensial iddiaçılara göndərilməsindən sonra onlardan xahiş ediləcəkdir ki, 03 Aprel 2020-ci il, saat 12:00-dan gec olmayaraq, ixtisas tələbləri üzrə sənədləri bağlı zərfdə olmaqla 1 çap variantında və 1 elektron variantda Mərkəzi Banka təqdim etsinlər.

- Şirkətin korporativ və qeydiyyat sənədləri (beynəlxalq iddiaçılardan sənədlərin ingilis dilinə tərcümə olunmuş və notarial qaydada təsdiqlənmiş nüsxələrini təqdim etmək tələb edilir).

- Müvafiq tikinti lisenziyası (beynəlxalq iddiaçılar lisenziyanın təsis olunduqları və, fəaliyyət göstərdikləri ölkənin müvafiq orqanlarından alınmış, notarial qaydada təsdiqlənmiş, apostil olunmuş və ya leqallaşdırılmış surətinitəqdim etməlidirlər. Beynəlxalq iddiaçılar müqavilənin bağlanacağı təqdirdə, müqavilə şərtlərində göstərilən Başlanğıc tarixinə qədər müvafiq yerli lisenziya almalıdırlar);

- İxtisas uyğunluğunun müəyyənləşdirilməsi və təkliflərin verilməsi ilə əlaqədar bütün sənədləri imzalamaq səlahiyyətinə malik şəxsin səlahiyyətlərini təsdiq edən, lazımi qaydada imzalanmış və möhürlənmiş və beynəlxalq iddiaçılar üçün, həmçinin, notarial qaydada təsdiqlənmiş, apostil olunmuş və ya leqallaşdırılmış etibarnamə və/və ya korporativ sənəd;

- Azərbaycan Recpublikasında təsis edilmiş və/ya fəaliyət göstərən iddiaçılarnın Azərbaycan Respublikasında vergilərə və digər icbari ödənişlərə dair yerinə yetirilməmiş/vaxtı keçmiş öhdəliklərinin, habelə son bir il ərzində (fəaliyyətini dayandırdığı müddət nəzərə alınmadan) Azərbaycan Respublikasının Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması haqqında bəyanat;

- İddiaçının ödəniş qabiliyyətsizliyinin olmaması, əmlakı üzərində həbs, girov və digər öhdəliklərin olmaması, məhkəmə qərarı ilə kommersiya fəaliyyətinin dayandırılmaması barədə bəyanat;

- son 5 il ərzində özlərinin, işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması haqqında bəyanat;

- son 5 il ərzində özlərinin, işlərini idarə edənlərin, qulluqçularının müvafiq peşə fəaliyyətləri ilə məşğul olmasının məhkəmə qaydasında qadağan edilməməsi haqqında bəyanat.

Uğurlu iddiaçıların seçilməsi:

- Seçim Tender Komissiyası tərəfindən bal sistemi üzrə qiymətləndirmə yolu ilə aparılır.

- Tkliflərin qiymətləndirilməsi bal sistemi üzrə aparılacaq və aşağıdakı meyarlara əsaslanır:

Maksimum bal – 100

 Texniki amillər – altmış (60) bal.

 Qiymət,maliyyə amilləri – qırx (40) bal.

- Təkliflərin qiymətləndirilməsi əsasında AMB qısa siyahıya salınmış iddiaçıları danışıqlara dəvət edə bilər. Danışıqlar kommersiya, texniki və hüquqi şərtlər daxil olmaqla, təklifin bütün həcmini əhatə edə bilər. Qısa siyahı üçün seçilmiş iddiaçılardan danışıqların nəticəsinə uyğun olaraq öz təkliflərini yeniləmək xahiş ediləcəkdir.

- Azərbaycan Respublikasına qarşı düşmən mövqe tutan və ya onun düşməni olan ölkədə təsis olunmuş və ya idarəetmə mərkəzinə malik olan və ya fəaliyyət göstərən və ya əmlaka sahib olan və ya belə ölkə ilə biznes münasibətlərinə malik olan, ya da belə ölkəyə mənsub olan və ya hər hansı bir yolla həmin ölkə ilə bağlı işçiləri olan iddiaçının tender təklifi verməsinə icazə verilməyəcək və belə təklif qəbul edilməyəcək.

- Uğurlu iddiaçının seçilməsi Azərbaycan Respublikasının Dövlət satınalmaları haqqında Qanunu əsasında aparılacaq.

Təkliflər Sorğusu Əsas Şərtlər toplusunu (ƏŞT):

AMB tərəfindən Təkliflər Sorğusunda iştirak hüququ qazanaraq dəvət almiş iştirakçılar ƏŞT-ni ən gec 17 mart 2020-ci il tarixinə qədər elektron formatda FTP server yolu vasitəsi ilə ala biləcəklər:

Təlimatlar və Vaxt qrafiki:

- Tender elanı: 27 fevral 2020-ci il, vebsayt və qəzet vasitəsilə.

- Təkliflər Sorğusu prosedurunda iştirak müraciəti: ən gec 06 mart 2020-ci il, saat 17:00-dək.

- Mərkəzi Bank tərəfindən Təkliflər Sorğusu Prodesurunda iştirak üçün dəvət: 11 mart 2020-ci il, elektron poçt vasitəsilə.

- Təkliflər Sorğusu Prosedurunda iştirak dəvətini almış iddiaçının TSS-ni alması üçün son tarix: ən gec 17 mart 2020-ci il

- İddiaçının ixtisas uyğunluğu haqqında sənədlərinin təqdim edilməsi: 03 aprel 2020-ci il, saat 12:00, Azərbaycan Respublikasının Mərkəzi Bankının ofisi.

- İxtisas uyğunsuzluğu bildirişləri: elektron poçtla 10 aprel 2020-ci il

- Təkliflərin verilməsinin bağlanması (təkliflərin təqdim edilməsi üçün son tarix): 04 may 2020-ci il, saat 12:00, Azərbaycan Respublikasının Mərkəzi Bankının ofisi.

- Müqavilənin bağlanması: 01 iyun 2020-ci il.

- Maliyyə Təklifinin (Təklifin qiymətinin) valyutası: AVRO (beynəlxalq iddiaçılar üçün) və AZN (yerli iddiaçılar üçün).

- Müqavilənin valyutası: AVRO (beynəlxalq şirkətlər üçün) /AZN (yerli şirkətlər üçün) (yerli və ya beynəlxalq şirkət olmasından asılı olaraq Müqavilə şərtlərinin müzakirəsi zamanı müəyyən ediləcək).

Qiymətləndirmə məqsədilə, Avro ilə olan məbləğlər Azərbaycan Respublikasının Mərkəzi Bankının Təkliflərin verilməsinin bağlanış tarixinə olan məzənnəsi əsasında AZN ilə olan məbləğlərə çevriləcək.

2. İddiaçıların qiymət təklifinə bütün vergilər daxil olmaldır.

3. ƏŞ toplusuna aşağıdakı sənədlər daxildir, lakin bunlarla məhdudlaşmır:

- İddiaçılar üçün təlimatlar
- Müqavilə şərtləri
- Təklif formaları
- Texniki sənədlər

*Qeyd: Yuxarıdakı sənədlərdən ibarət ƏŞT yalnız seçilmiş iddiaçılara təqdim olunacaq.

4. Təklifin dili: İxtisas tələbləri sənədləri azərbaycan və ya ingilis dilində təqdim oluna bilər. Bütün digər sənədlər, həm Təkliflər Sorğusu, həm bağlanacaq Müqavilə azərbaycan və ingilis dillərində olmalıdır. Təklif verən şirkətin hazırladığı təklif, eləcə də, Təkliflər Sorğusu ilə bağlı bütün sənədlər azərbaycan dilinə edilmiş tərcüməsi ilə birlikdə, ingilis dilində təqdim edilməlidir. Sənədlər arasında ziddiyyət olduqda, beynəlxalq şirkətlər üçün ingilis dilinə, yerli şirkətlər üçün azərbaycan dilinə üstünlük veriləcək. Rəsmi sənədlər notarial qaydada təsdiqlənmiş və apostil edilmiş formada olmaqla, azərbaycan dilində təqdim edilməlidir.

5. Azərbaycan Respublikasının Mərkəzi Bankı iddiaçıların və podratçıların satınalma dövründə və müqavilələrin bağlanması müddətində ən yüksək etik standartlara riayət etmələrini tələb edir.

6. Təkliflər Təkliflərin təqdim edilməsi üçün son tarixdən sonra 90 bank günü müddətində qüvvədə olmalıdır (Təklifin qüvvədə olma müddəti). Qeyd olunan tarixdən sonra verilmiş təklif qəbul edilməyəcək və açılmadan geri qaytarılacaq. Bütün təkliflər təklif qiymətinin 1%-i həcmində Təklif Təminatı (Qarantiyası) ilə müşayiət edilməlidir və belə qarantiyanın başa çatma tarixi Təkliflərin qüvvədə olma müddətindən sonra otuz (30) gündən əvvəl olmamalıdır.

7. Azərbaycan Respublikasının Mərkəzi Bankı (Sifarişçi) təkliflərin hazırlanması və ya təqdim edilməsi ilə əlaqədar iddiaçıların məruz qaldıqları hər hansı xərc və ya məsrəflər üçün məsuliyyət daşımır.

8. Təkliflər Sorğusu sənədlərini almış bütün iddiaçılar tenderin sonunda bütün sənədləri geri qaytarmalı və ya əgər elektron formada alınmışsa, məhv etməlidirlər.

9. İddiaçılar Təkliflər Sorğusu sənədlərinə daxil olan bütün təlimatları, formaları, şərtləri və spesifikasiyalarını yoxlamalıdırlar. ƏŞT ilə tələb olunan bütün məlumatın təqdim oluna bilməməsi və ya ƏŞT-nin tələblərinə əhəmiyyətli dərəcədə cavab verməyən təklifin təqdim edilməsi ilə bağlı risk hər bir halda iddiaçının üzərinə düşür və təklifin rədd
10. edilməsi ilə nəticələnə bilər.

11. Azərbaycan Respublikasının Mərkəzi Bankı tender təkliflərini bal üsulu əsasında yekun danışıqların nəticələri nəzərə alınmaqlaqiymətləndirəcək və müqayisə edəcək. AMB ən aşağı qiyməti olan tender təklifini təqdim etmiş iddiaçı ilə müqavilə bağlamaq və hər hansı təklif üzrə müqavilə bağlamaq öhdəliyinə malik deyil. Müqavilə bal cədvəli və yekun danışıqlar əsasında, həm qiymət, həm də texniki tələblərə uyğunluq baxımından ən cəlbedici və optimal təklif vermis iddiaçı ilə bağlanacaqdır.

12. Təkliflər tender sənədlərində müəyyən olunan ölçülə bilən meyarlar və yuxarıda qeyd olunan “Uğurlu iddiaçının seçilməsi” meyarları əsasında qiymətləndiriləcək. Bu meyarlar ümumilikdə iddiaçıların ixtisasından, tikintinin başa çatması üçün təklif olunan vaxt müddətindən, iddiaçıların öz təkliflərində təsvir etməli olduqları işlərin funksional xüsusiyyətlərindən, o cümlədən, lakin bunlarla məhdudlaşmadan, sifarişçinin tələblərinin təmin edilməsi səviyyəsindən, metod bəyanatından, tikinti işlərinin təşkilindən, işlər üçün zəmanət şərtlərindən və yekun görüş zamanı müzakirə olunan digər şərtlərdən ibarətdir.

13. Avro ilə verilən qiymətlər qiymətləndirmə məqsədilə Azərbaycan Respublikası Mərkəzi Bankının tenderin bağlanış tarixinə müəyyən edilmiş rəsmi məzənnəsi ilə Azərbaycan manatına çevriləcək.

14. AMB qalib gəlmiş iddiaçıdan onun İxtisas tələblərinə uyğunluğunu təsdiqləyən əlavə sübut təqdim etməsini tələb etmək hüququna malikdir, iddiaçı belə sübutu təqdim edə bilməsə onun təklifi təklif qarantiyasına məcburi tutma yönəldilməklə rədd ediləcəkdir.

15. Əlaqə məlumatı:

Azərbaycan Respublikasının Mərkəzi Bankı

Ünvan: Azərbaycan Respublikası, Bakı şəhəri, AZ1014, R.Behbudov küçəsi 90

Telefon: +994 12 4931122

E-mail: construction_tender@cbar.az

Faks: +994 12 493 55 41

Kimə: cənab Surxay Həsənov

16. Tender Elanına əlavələr

Əlavə 1: Təkliflər Sorğusunda iştirak ərizəsi

Bu Əlavəyə iddiaçı haqqında ümumi məlumat və arayışlar daxildir. İddiaçı hər hansı bir məlumat əksikliyinə yol vermədən, formanı imzalanmış və möhürlənmiş şəkildə təqdim etməlidir.

Əlavə 2: Məxfilik öhdəliyi

İddiaçı hər hansı bir məlumat əksikliyinə yol vermədən, formanı imzalanmış və möhürlənmiş şəkildə təqdim etməlidir.

TƏKLİFLƏR SORĞUSU PROSEDURUNDA İŞTİRAK ƏRİZƏSİ

Biz, _______________ şirkəti AMB tərəfindən 27 fevral 2020-ci il tarixində elan edilmiş yuxarıdakı tenderdə iştirak etmək istərdik. Biz bu formada əksini tapmış məlumatın düzgün, tam və dəqiq olduğunu təsdiq edirik. Bundan əlavə, yuxarıda göstərdiyimiz məlumatlar çərçivəsində ilkin qiymətləndirmə ilə bağlı heç bir iddia irəli sürməyəcəyimizi bildiririk.

Şirkətin adı
Səlahiyyətli şəxsin imzası, möhürü, tarix

“ “ 2020

Məxfilik Öhdəliyi

Kimə: Azərbaycan Respublikasının Mərkəzi Bankı
Tender Komissiyasına

Tel: +994 12 493 11 22
Faks: +994 12 493 55 41

E-mail: construction_tender@cbar.az

Tender: Azərbaycan Respublikası Mərkəzi Bankının yeni inzibati binasının detallı
layihələndirilməsi və tikintisi

Hörmətli cənablar,

1. Siz Azərbaycan Respublikası Mərkəzi Bankının Yeni İnzibati Binasının ("Layihə")
tikintisi ilə bağlı layihənin həyata keçirilməsini planlaşdırırsınız və Təkliflər Sorğusu
prosedurunu keçirmək və qeyd olunan Layihəni yerinə yetirmək üçün şirkətləri təkliflər
vermək üçün dəvət etmək niyyətindəsiniz.
Sizin yuxarıda qeyd olunna Tenderdə iştirak üçün maraqların ifadəsinə dəvətinizə cavab
olaraq bildirmək istərdik ki, biz Təkliflər Sorğusu prosedurunda iştirak etməkdə
maraqlıyıq. Biz anlayırıq ki, Təkliflər Sorğusunda iştirak etmək hüququ qazandığımız
təqdirdə, Təkliflər Sorğusunun iştirakçılarına verilməli olan sənədlərdə (“Sənədlər”)
bizə açıqlana biləcək məxfi və həssas xarakterli məlumat olacaqdır və bununla əlaqədar
sizin xeyrnizə məxfilik öhdəliyi təqdim edilməlidir.

2. Sizin Sənədləri bizə təqdim etməyinizin müqabilində, biz aşağıdakı məlumatı məxfi
saxlamağı qəbul edirik:
• Sənədlərdə əksini tapmış bütün məlumat və
• eyni mövzuya aid olan, açıqlandığı anda məxfi hesab edilmiş və sonradan yazılı
şəkildə təsdiqlənmiş bütün şifahi məlumat.
belə sənədlərin və ya şifahi məlumatların açıqlandıqda "məxfi" olduğu qeyd olub
olmaması və ya yazılı şəkildə təsdiqlənib və ya təsdiqlənməməsindən asılı olmayaraq.
Biz belə məlumatı təklifimizin hazırlanmasından başqa digər məqsədlər üçün istifadə
etməyəcəyik və sizin qabaqcadan bildirilmiş razılığınız olmadan hər hansı bir şəxsə
(məxfilik saxlanılaraq, bizim direktorlarımız, əməkdaşlarımız, işçilərimiz və
məsləhətçilərimizə açıqlanması istisna olmaqla) açıqlamayacağıq.

3. Yuxarıdakı məxfilik öhdəliyi aşağıdakı məlumata şamil edilmir:
• hal-hazırda ictimaiyyətə məlum olan və ya bundan sonra məlum olacaq məlumat
və ya;
• artıq bizə məlum olan və ya;

• bu cür məlumatlarla bağlı, bizə məlum olduğu qədər, sizinlə məxfilik razılaşması
bağlamamış mənbələrdən əldə etmiş olduğumuz məlumatlar və ya;
• hər hansı hüquqi və ya qanuni tələbin cavablandırılması məqsədilə açıqlanması
zəruri olan məlumat.
Bununla belə, yuxarıdakı 3-cü bənd əsasında bizdən hər hansı bir məlumatın
açıqlanması tələb olunduğu təqdirdə, sizi 2 həftə əvvəlcədən məlumatlandıracağımız
barədə öhdəlik qəbul edirik.

4. Layihənin davam etdirilmədiyi və ya bizim Təkliflər Sorğusunda iştirak etməmək
barədə qərar etdiyimiz təqdirdə, sizdən almış olduğumuz bütün məxfi məlumatı,
surətləri çıxarılmadan və məzmununu hər hansı bir şəkildə yaymadan, dərhal sizə geri
qaytarmalıyıq.

5. Bu məxfilik öhdəliyi Azərbaycan Respublikasının qanunvericiliyi əsasında tənzimlənir
və təfsir edilir və bununla əlaqədar yarana biləcək hər hansı bir mübahisə Azərbaycan
Respublikasının məhkəmələrinin müstəsna yurisdiksiyasında həll olunmalıdır.

6. Bu məktub sizə təqdim olunduğu andan etibarən yerinə yetirilməsi qanuni olaraq
məcburi olan etibarlı razılaşma və öhdəlikdən ibarətdir.Bu öhdəlik yuxarıdakı 6-cı bənddə göstərilən tarixdən etibarən qüvvəyə minir və
tərəfinizdən açıq-aydın şəkildə bildirilmiş bir göstəriş olmadığı halda, qəbul edilmiş hesab
edilir. Bu məxfilik öhdəliyinin tərəfinizdən qəbul edilməsi sizin Sənədləri bizə təqdim
etməyinizi nəzərdə tutur.

Hörmətlə,
(Şirkətin adı)

İmza: _______________________________

(İmzalayan şəxsin tam adı)

(İmzalayan şəxsin vəzifəsi)

Tarix: